Адам болу

Адам болу- мамандықтың қиыны,
Кісілікті ұғынарсың тиімді.
Ақыл,ғылым,ар,мінезден көрінер,
Өз ісіңе төрешісің түй мұны.
Ақ көңілді сенгіш келер ұлы адам,
Ар мен азап шегу үшін жаралған.
Болсаң егер бір атаның баласы,
Бір заманның баласысың тараған.
Нағыз адам әлсіздерді қинамас,
Арамдыққа құл болмағын,кел жанас.
Әр пенденің жақсы жағын көре біл,
Бауырға тарт,қолдан келсе,жөн силас.
Ар ұяттың кейіпкері таза - адам,
Қуыс кеуде тас лақтырар тасадан!
Ақыл - адам ажарының көрігі,
Қызметіңе мастанбағын жасаған.
Адамдар бар із қалдырар өзінен,
Сабыр керек таусылмайтын төзіммен.
Күресе біл,мақсатыңа жетерде,
Жан сарайың белгі берер сөзіңнен.

---