Эссе және өлең-жыр байқауы

Ғажап тілім

Ғажап тілім

Тілім десе жүрегім тілімделіп тілінген,
Тілім менің тірегім сүйенішім сүйенген.
Тілім барда жалғанда жалықпаймын сүруден,
Тілім барда тірліктің оты өшіп, сөнбеген.

Тіліміздің қадірін түсінбесек, білмесек,
Тілімізді менсінбей өзге тілде сөйлесек,
Қазақ тілі қасиетін сезінбесек, сезбесек,
Мақтанышпен өзіңді қазақ деуің не керек.

Ана тілді ардақтап өз анаңдай аяла,
Туған тілдің тұғырын асқақтатып қияға.
Тұнық таза тіліңді бұрмалама, лайлама,
Арың барда бойыңда ана тілді қорлама.

Тілім десе өзегім от болыпта өртелет,
Туған тілім бойыма сарқылмайтын күш берет.
Тілім деуден жалықпай көмейімде кепкен ет,
Туған тілім өшпесін осы ой мені жеп келет.

Тіл қазына тіл байлық, баға жетпес өмірде,
Тілден бастау алады ақыл, білім өнерде.
Тілі шыққан жас сәби алғаш ана дегенде,
Анасының ақ сүті тіл ұшына келерде.

Самға тілім шарықта,
Қыран болып қалықта.
Қанатың еш талмасын,
Қазақ жерін шарласын.
Қара өлеңмен өрілген,
Шумақтарым төгілген.
Сөздеріме жан берген,
Жырларыма нәр берген.
Қызыл тілді сөйлеткен,
Ғажап едің тіл неткен!!!


Басқа да өлеңдері



Пікірлер (1)

Модератор

Ілмектер үтір арқылы қойылады.

Пікір қалдырыңыз

Басқа сайттағы жаңалықтар:

Жүктелуде...