Қайтадан

Қайтадан
Білемісің, нені қалап жай табам,
Шын көңілмен шын ниетпен айта алам.
Балалыққа қайта барар билетті,
Жалын құшып сұраймын мен қайтадан.

Шіркін сол бір балғын кездер қайт маған,
Қанатымды бұрдым саған қайтадан.
Қамсыз ғана қайғысыз күн кешетін,
Балалықты бақыт кез деп айталам.

Мұқаң(Мұқағали) қосқан жырмен мен де қосылып,
Бақыт деген бала күн деп қайталайм.
Басқа арманға қол созбаймын асығып,
Бала күнді жүріп өтсем қайтадан.

Жан сырымды кімге барып айта алам?!
Сырға берік қай қағаз ол, қай қалам?!
Шабыт қуып, шимай шатпақ қалдырар,
Сыр сақтайтын аман болсын жәй қалам!

Білемісің, нені қалап жай табам,
Қайда барам, қайда маған жай-панам?!
Балалық та, балғын кездер қайтпайды-ау
Оралмасын білем, сезем қайтадан...

Әсем әуен тек менімен сыр шертер,
Бал дәуреннен жолдаспын деп айта алам.
Әуен ғана қайта оралып тыңдалар,
Әуен ғана мендік жолдас Қайтадан!
Әуен ғана тыңдағанда жай табам!

---