Рухани жаңғыру

Мұнар күннің мұңын артта қалдырып,
Атты сосын арайланып таң күліп.
Болашаққа бағыт алдық бақытты,
Ел болмаққа рухани жаңғырып.

Таза ұстасаң асқақтап арды нық,
Жырлау білсек адалдықты ән қылып.
Санамызды сергектікке беттесек,
Ел боламыз рухани жаңғырып.

Білім алсақ танып ғылым пайдасын,
Ұғып алсақ жаңашылдық айласын.
Бірлік туын желбіретсек жалау қып,
Кім біздерді тұмандатсын, лайласын?

Салауатты өмірді салт деп біліп,
Жат қылықтан жақсылыққа бет бұрып.
Әлем жұртын аузымызға қаратып,
Үлгі тұтар ел болу да ептілік.

Алыстардан жылдам ақпар алдырып,
Жапан түзге төтеден жол салдырып.
Арзанға емес, асылдарға ынтығып,
Ел болайық рухани жаңғырып.

Даму үшін рухани жаңғырып,
Болу үшін отыз елдің алды нық
Бірлік, білім ұстай білсек тізгінін
Сонда ғана ел боламыз Мәңгілік!

---