Біз қазақ жастарымыз

Біз қазақ жастарымыз,
Бабалардың болсақ деп жалғасындай,
Айбыным бар өзеннің арнасындай,
Дәлелдейтін іспенен кезің келді
Айтылған сөз өлең боп қалмасын жай

Біз қазақ жастарымыз
Рухани мұрасымен мақтанатын
Жырларым бар жүректе жатталатын
Қазақ деген халықтың өр мінезді
Тереңінен тарихтың тапқан атын

Біз қазақ жастарымыз
Қоңыр дауыс қобыздан күй ұқтырып
Бірлік туын ұстаған биік қылып,
Елім үшін ерлікке барар едім
Бойдағы бар жігерді жиып тұрып

Біз қазақ жастарымыз
Белестерді алдағы бағындырар
Жаңалыққа жаһандық жаным құмар
Жанарынан от шашып, жарқыраған
Су сепсе де сөнбейтін жалындылар

Біз қазақ жастарымыз
Алатаудай елімнің асқары біз
Ашық болсын әрқашан аспанымыз
Болашаққа баратын дара жолда
Бірлік болсын шырқалар басты әніміз