ТУҒАН ЖЕР – Мұхтарова Елдана

Туған жерге жер жетпейді ғаламда,
Ыстық оның әрбір тасы маған да
Суы балдай ішкің келе береді,
Туған жерім мәңгі менің санамда.

Үңгіртасым қандай көркем тамаша,
Ырғыз өзен ағып жатыр қараса.
Ауылымда балалар көп ойнайтын,
Бір-бірімен топ-топ болып жарыса.

Туған жер деп ән салсам,ашыламын,
Табиғатын айтып әркез мақтанамын.
Кетсем шалғай кей кезде құстай ұшып,
Мен өзіңе жеткенімше асығамын.

Туған жерім ризамын мен саған,
Сендей жердің жәннатын қайдан табамын.
Бүкіл жерді шарлап өтсем таппаспын,
Отанымнан ұзап қайда бара аламын.