Қазақ тілі

Мен қазақпын ұрпағымын көк бөрінің
Қазақтың өшпей өткен өткелі мың
Қазағым аспаныңды бұлт шалмасын
Жарқырап тұра берсін көкте күнің.

Тілім барда азатпын, қырандаймын
Құрметтеймін тілімді Құрандай мың
Жаным барда, қазақы қаным барда
Қазақ тілі жасасын деп ұрандаймын.

Қазақ тілі қасиеттің бұлағы шын
Асыл сөз бен шешендіктің шынарысың
Қапастардан алып шыққан ана тілім
Сен Қазақтың сөнбейтін шырағысың.

Жүрміз ғой талай жасты тамашалап,
Көбейіп бара жатыр жаңа қазақ.
«Жаңа қазақ» жақсы ғой, жаңарайық,
Тек, болмайық тіл білмейтін шала қазақ.

Көп қазақтың жетпей жүр қазақтығы,
Қазақ тілі – қазақтың ғажап тілі.
Қорласаң егер де сен қазақ тілін,
Қорлағаның данышпан қазақты ұлы.

Қазақ тілі – баға жетпес данышпан тіл,
Жоңғармен де, орыспен де алысқан тіл.
Қазақ тілі – сенің асыл келбетіңде,
Абай, Мағжан, Шәкәрімдей арыстар тұр.

Қазақпын деп айтудан жалықпадым
Тарихымнан мінеки, тағы ұққаным
Ілияс, Сәкен менен Бейімбеттей
Жазықсыз жазаланды алыптарым.

Күні асқақ, өшпеген бақ, талабы
Тілім мәңгі жадымда жатталады
Биік тұрса мәртебең қазақ тілім
Азаттығың мәңгілік сақталады!!!

---