Жемқорлыққа қарсы күрес

Жемқорлықтың саны артып келеді,
Қайғы –мұң ғой ,қасіретті береді.
Залалы көп бұл заманда қатыгез.
Жаулап алу әсте жылдам жүреді.

Пара беру,пара алу, жайлаған,
Осы бір іс, буы шықпай қайнаған.
Қалай бұны тоқтатамыз, әттең-ай,
Сенгеніміз ел тағдырымен ойнаған.

Жемқорлықпен ел көркейеді десек біз,
Жемқорлықпен арам асты жесек біз.
Ойланбасақ бұл туралы егерде,
Құр санасыз, мақрұм қалған есекпіз!

Мұның арты әкеледі тозаққа,
Жебірлердің көрсеткені аз-ақ па?
Рас емес пе соңында бұхара халық
Қасірет көріп, салынатын азапқа.

Маңызы бар мәселеге айналды,
«Қарсы күрес» заңнамасы байланды.
Төрдегілер әшкере боп ісімен,
Бірі түсіп, бірі қайта сайланды.

Бұл жағдайды үкімет те қолға алды,
Халықпенен бірге ойланып, толғанды,
Тіпті міне, елге үлгі болар деп,
Мақалада елбасының жолданды.

Түйткілді мәселені алға қойды,
Өткізіліп шаралар, салған ойды,
Мектептерде, ұжымдарда қаралып,
Қарсы күрес,үйретіп тұла бойды.

Әрекет қылмақ,қолға алмақ бала кезден,
Тәрбиелеп осы бастан дана сөзбен.
Сіңіріп бойына құнды қасиетті,
Салғырт қарап, ғайып болмай кенет көзден.

Жұмылдырып күшімізді бір жерге,
Қарсы күрес жүргізейік жер-жерде,
Қарқынды дамып, болашақта мемлекет.
Теңесеміз алдыңғы қатар елдерге!

Авторы:Алдахов Қадіржан

Мен Атырау облысы,Жылыой ауданы,Құлсары қаласы,№7 Е.Халықов атындағы жалпы орта білім беретін мектептің 11 "а" сынып оқушысымын!!!