Күрескен қазақ тәуелсіздік жолында

Тәуелсіздік оңайлықпен келмеді,
Қазақ әркез жеңісті қолдан бермеді.
Елі үшін,жері үшін ауыр жол кешкен
Ешқашан да үміт оты сөнбеді.

Қанша адам өмірін қиды біліп қой,
Өжет халық,батылдығын көріп қой.
Жанын берген нағыз батыр қазағым
Достыққа адал,сертіне де берік қой!

Сан ғасырлар бодан болдық жат елге,
Еліктедік кейде біздер шет елге.
Ата-баба қиын-қыстау кезеңде,
Білім көзін жайғастырып шың жерге.

Күрескен қазақ тәуелсіздік жолында,
«Қазақ» деп соққан жүрегі әркез қолында.
Сұм-сұрқия саясатқа берілмес,
Өр-көкірек қазақтарым барында.

Келешек үшін не істемеді десеңші,
Басын тікті қазақ үшін сенсеңші.
Енді қалай ұмытасың сен үшін,
Жанын қиған ардақтылар білсеңші.

«Оян қазақ»,ұран тастап біздерге,
Рухтандырып айтылған ой,сөздерге.
Зиялы қауым,оттай жанып басылымдар,
Шоқтай басып,миллиондаған көздерге.

Қастерлейміз,есте мәңгі қалады,
Алтын әріппен есімдері тұрады.
Тарихтан өшпес ізгі мұрат жолдары,
Құрметтейміз,жүректен орын табады!

Авторы:Қадіржан Алдахов