Корейская косметика премиум класса

Әжеме

Әже, әже келдің бүгін 80 жасқа,
Мәз - мейрам боп жүріңіз ортамызда.
Құттықтаймын туған күнмен бүгінгі,
Қосылсын тағы 80 жасыңызға!

Мен әжемді өрнектеймін өлеңмен,
Оның ойы шығар әркез тереңнен.
Әжем менің талантты да дарынды,
Әжем менің ықыласқа бөленген.

Жақсы көрем мен нағашы әжемді
Әлдилеген бала-шаға, әлемді,
Ол қашанда сөздің майын тамызар.
Және айтады әуелетіп өлеңді,

Өмірде бір ұлы сөз бар әже деген,
Әже деген асыл бейне мәпелеген.
Бар тәттіні аузыңа ұсынады,
Бойындағы ақ сүтін нәрін берген.

Жарқын мінез бәрімізге ұнайды,
Жүре берсін аттап өтіп күн - айды!
Тума - туыс құттықтайды ән салып,
Әз әженің жүзі бүгін шырайлы.
Авторы:Қадіржан Алдахов


Қарап көріңіз


Пікірлер (0)

Пікір қалдырыңыз

Басқа да жазбалар

×