Әкеме хат

Міне бүгін ерекше сәт жазамын сізге өлеңді
Әкетайым сіз туралы айтатыным көп енді
Өлең жазсам таусылмастай қасиетіңіз бар әке
Із қалдырған ұрпағыңыз,өсіп міне гүлденді

Бірақ сізге сәби болып қаламыз мәңгі жүректе
Үйренеміз тәрбие алып,қасыңызда жүріп те
Көркем мінез бойыңыздан табылады әрдайым
Бір көзбенен түсіндіресіз,жылы жұмсақ күліп те

Сөздеріңіз алтын болып санамда мәңгі сақтаулы
Сіз білмейсіз,өтірік айтып адамдарды даттауды
Өнегелі өсиеттеріңіз тайға таңба басқандай
Шуақ шашқан алтын нұрдай жадымызда жаттаулы

Әкетайым,қанат қосып,биікке бізді самғаттың
Ұзақ жасап,қанатыңыз ешуақытта талмасын
Күліп-ойнап,анамменен бірге болып бақытты
Көңіліңізді қаяу деген ешқашанда шалмасын

Өлең жаздым,сізге арнап сәби бала жүрекпен
Дүниедегі бар жақсылықты жеткіземін тілекпен
Әке сіздің батаңызды алу парыз мен үшін
Үмітіңізді ақтаймын міне,еңбек етіп жүріп мен.

---