Дәурен Қуанышев

Алмалы-алтын бесігім

Бұл бетте «Алмалы-алтын бесігім» атты Дәурен Қуанышев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

dauren04
25.01.2020
1
0
1602

Сағымы ойнап қырында,
Сайында талай сыр бұққан.
Арналар саған жырым да,
Бүлкілдеп шыққан тұнықтан.

Жауынға бетті жуғанбыз,
Жүрекке сырлы күй тұнды.
Жандарың сенің-иманжүз,
Аңдарың-тіпті сүйкімді.

Ұлылық мәнін ұқтырған,
Жасарып жерім жатар ма?
Сыйлаған елі тік тұрған,
Батыр да мұнда,ақын да!

Ауылым бойын бойлаған,
Жайығым ерке өзенім.
Жанында тойын тойлаған,
Алмалым-менің өз елім.

Алмалы-алтын бесігім,
Жайқалған байтақ өрісің.
Жүректе мәңгі есімің,
Мәңгілік болсын ырысың.

bilim2019 Қуанышев Дәурен алмалы-алтын бесігім dauren04 өлеңдері

Пікірлер (0)

Пікір қалдырыңыз

Жиі қойылатын сұрақтар