Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Нұрайым Нұрқабылова

Әткеншек әуені

Бұл бетте «Әткеншек әуені» атты Нұрайым Нұрқабылова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

nurkabylova01
25.01.2020
0
0
3680

Саналы қыз дейтінсіз,
Саналы қыз!
Саналылау болған соң жаралымыз.
Барды-жоқты сөз етіп, сылтауратып,
Алыстатып алдық па араны біз?

Таппай жүргем бұл маңнан әлденені,
Мәнсіз мынау ісіме мән керегі.
Жар ортада жаңылып қалғандаймын,
Сынағыңыз келіп пе еді әлде мені?

Тапталған төңірекке дем беріңіз,
Жасырмаңыз, сүйіңіз, емделіңіз.
Әне, аспан еріксіз әндетіп тұр,
Тербетіңіз, тербеңіз, тербеліңіз...

Пы/сы:

Істерімнен мән таппай мың пайдасыз,
Тағы келдім, жүрек мұз, маңдайда сыз.
Әткеншек бар, әуен бар, бәрі осында,
Жалғызсырап қалдым ғой,
Сіз қайдасыз?

bilim2019 поэзия әткеншек әуені nurkabylova01 өлеңдері

Пікірлер (0)

Пікір қалдырыңыз

Жиі қойылатын сұрақтар