Өлең, жыр, ақындар

Жиырма бір жаста мен...

  • 04.02.2020
  • 0
  • 0
  • 2122
«Дүниені өзгертемін деп едім,
Жиырма бір жаста мен»...
Г.Салықбай

Кешкі сегіз. Ескі Арбаттың көшесін
Кезіп келем. Он тоғызы наурыздың.
Сезімімнің бүгіні мен кешесін
Өлшейтұғын аспандағы жалғыз Күн.
Жанарыма сыйып кеткен көктемді
Парағыңа сурет қылып салғыздым.
Көздерімде мөлтілдеген әлемдей
Әйгіленсе жақұт шықтың керегі
Осы өмірге өле ғашық өлеңдей...
Бұл көктемнен бақыт күткім келеді.
Ерте оянған ерке мұңым,
Тез кеткін!...
Өз-өзімнен, айтшы, қалай безбекпін?
Дүрсілдеген ақынға тән жүрекпен
Дүниені келіп-ақ тұр өзгерткім.
Өзгермеген қала маған өкпелі,
Көк аспанның жасаурауда жанары.
Біздерге ортақ жиырма бірдің көктемі
Бұлдыр-бұлдыр жолға сіңіп барады...



Пікірлер (0)

Пікір қалдырыңыз

Ай көзінен діріл-діріл жас тамды...

  • 0
  • 0

Ай көзінен діріл-діріл жас тамды.
Неткен ұзақ, мағынасыз отырыс?
Мен өмірге гүл боп көзімді ашқам-ды,
Нәзік сабақ, нұрлы жанар, хош иіс.

Толық

Жауын...

  • 0
  • 0

Жауын!
Жаудың ба?
Жып-жылысың.
Өзіңсің таңғы бағым, түнгі ырысым.

Толық

Есіңде ме? Көктем еді...

  • 0
  • 0

Есіңде ме?
Көктем еді.
Көктеп еді бүршіктері талдың да,
Қызыл гүлдер қаптап еді шалғында.

Толық

Қарап көріңіз

Басқа да жазбалар