Өлең, жыр, ақындар

Каспий толқындары

  • 19.03.2020
  • 0
  • 0
  • 3557
Ойыны ма –толқындардың жарысқан,
Ерегес пе – мен де сенен қалыспан.
Табанына тапталмауға басқаның
Соңғы дем бе, қорқыныштан жан ұшқан?
Асау толқын шалқарыңа сен симай –
Қайда асықтың, неге сонша жан қинай?
Пешенеңе әуел баста жазылған
Соңғы сапар, соңғы жол ма, сан шимай?
Көзсіз батыр, жал-жал ғажап толқынның
Жан шошытар қорқынышты жойқынның –
Жекпе-жегі аяқталды жартаспен,
Бір зар менен, дыбысы екен ол кімнің?
Соңғы демі толқындардың бір дыбыс,
Ұлы дыбыс – теңіз зары, күрсініс.
Жағасында отырамын жалықпай
Атырауым алғанынша бір тыныс.
Бұлт тарқады, дауыл кенет тиылды,
Етек-жеңі толқындардың жиылды.
Моп-момақан, жатыр міне көк теңіз,
Жүрек сезіп тұр ғой сенің сыйыңды.



Пікірлер (0)

Пікір қалдырыңыз

Жалғанда ауыр немене (терме)

  • 0
  • 0

Жалғанда ауыр немене? –
Әкенің салқын назары.
Көз тоймас асыл немене? –
Ананың жарқын ажары.

Толық

Желкенді қайық

  • 0
  • 0

Кішкентай ғана шарана,
Жүректей ерні бүлкілдеп.
Табиғат салған жара ма,
"Жан құйған еңбек" үлпілдек.

Толық

Бөлінбес енші

  • 0
  • 0

Не болған маған —
Сендермен, сезім, тілдеспей?
Қарамай қағаз
Бетіне оның күндестей.

Толық

Қарап көріңіз