Іш пен сырт

Кеңістікте
Төрт нүкте мен үш сызық,
Үш сызықпен
Қос төртеуін тік сызып...
Құмарланып,
Арлы­берлі сызғылап
Әуре болып
Таба алмайсың түк қызық!
Ақыл, білім
Болғандықтан дұп­дұрыс,
Іштен іздеп
Жұмсайсың кеп күш­құрыш...
Қосылады
Тік бұрышты төрт нүкте
Төбелерін
Қоршай тартсаң үшбұрыш!
Қалай ойлау
Болғанымен ырқыңда,
Тік төртбұрыш
Ішінде әлі тұрсың ба?
Не табасың
Қабырғадан шектеулі,
Шешу – шындық
Кеңістіктің сыртында!

---