Баянғали Әлімжанов

Аллаға сыйын

Бұл бетте «Аллаға сыйын» атты Баянғали Әлімжанов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

04.05.2020
0
0
1715

Аллаға сыйын,
Шықсаң да тауға,
Түссең де,
Тәуекел етіп,
Кіріссең үлкен істерге,
Күдерді үзбей,
Күбірді тізбей ұмтылсаң,
Жеңерсің бәрін,
Сенімің барда, күш сенде!
Аллаға сыйын,
Байысаң мұртың майланып,
Бақытқа мас боп,
Қуансаң басың айналып,
Ұшпаққа шығып,
Мұратқа жеттім десең де,
Аллаға сыйын,
Шүкірлік қылып, ойланып!
Аллаға сыйын,
Байқамай жерге құласаң,
Жала мен жәбір,
Көргенде іштей жыласаң,
Күндіз де сыйын,
Түнде де сыйын, түңілмей,
Береді құдай,
Талап қып шындап сұрасаң!
Қорықсаң сыйын,
Торықсаң сыйын, тарықсаң,
Ауырсаң сыйын,
Рахымға шөлдеп, зарықсаң,
Жаратқан сені
Тастамай жалғыз жылатып,
Жолыңа сенің
Жағады жар боп, жарық шам!
Әрекет жаса,
Бұтаны бағып, бұққанша,
Құт болар түбі,
Аунаған жерде түк қалса,
Аллаға сыйын,
Алға бас тынбай тырмысып,
Сыйын да самға,
Кеудеңнен жаның шыққанша!

Баянғали Әлімжанов Алла аллаға сыйын... Баянғали Әлімжанов өлеңдері

Пікірлер (0)

Пікір қалдырыңыз

Жиі қойылатын сұрақтар