Өлең, жыр, ақындар

Күз

  • 22.03.2020
  • 0
  • 0
  • 1849
Сары түс бояған бақтарды,
Мезгілде құстар да аттанды.
Туған жер тізіліп көгінде,
Туған елге алғысын ақтарды.
Үзілген тал-қайың, дарақтан,
Жапырақ сары алтын жалатқан.
Толтырып береке-ырысын,
Дарxан күз байлығын таратқан.
Балапан шырқатып ізгі әнін,
Жинайды көктемнің күз дәнін.
Қоштасып жазды да қия алмай,
Қыстың да сездірер ызғарын.
Күз келді молшылық, құт дарып,
Күз келді береке жұртқа алып.
Күз келді, жайнаған жаз өтіп,
Шалғында мөлдіреп шық қалып.
* * *
Аптабы басылған,
Сарғайған атырап.
Шашудай шашылған,
Күздегі жапырақ.
Дән толып қамбаға,
Егінді ел жинаған.
Елжіреп паң дала,
Күз жеміс сыйлаған.
Балапан түлетіп,
Құстар да қайтуда.
Алғысын жыр етіп,
Ән қылып айтуда.
Ризамыз күзге де,
Мезгіл бұл – дара атың.
Күн келді бізге де,
Мектепке баратын.
Атауы бұл күздің,
Береке сияқты.
Әр күні бұл күздің,
Мереке сияқты.

(балаларға арналған тақпақ)



Пікірлер (0)

Пікір қалдырыңыз

Мектебім

  • 0
  • 0

Болам деп шәкірт ақылды,
Жаттадық өлең, нақылды.
Алғашқы қоңырау соғылып,
Мектепке күзде шақырды.

Толық

Айтыс

  • 0
  • 1

Өлеңмен сөз-сайыста қағысқалы,
Өзендей тасты ағызған ағыстары.
Шабыттың тұлпарына қамшы басып,
Қыздармен шығып тұрмыз жарысқалы.

Толық

Кітаптың назы

  • 0
  • 0

Кім оқыса таласа,
Дос боп кетем жараса.
Алған кезде сөреден,
Қуанып ем балаша.

Толық

Қарап көріңіз