Өлең, жыр, ақындар

Жеміс-жидектердің айтысы

  • 22.03.2020
  • 0
  • 0
  • 6107
Міне, дархан күз де кеп,
Жеміс берді бізге көп.
Бір күні олар айтысып,
Қалды азырақ сөзге кеп.
– Апорт дейтін алмамын,
Тіл үйірген бал-дәмім.
Қандай жеміс болса да,
Артық менің салмағым.
– Мен дегенің жүзіммін,
Әбден пісіп үзілдім.
Береке боп үйілген,
Сыйы менмін күзімнің.
– Ал мен болсам өрікпін,
Бау-бақшаға көрікпін.
Тосап та мен, шырын мен,
Алса егер теріп кім?!
– Қарақат дейді мені елім,
Менің де бар керегім.
Денедегі жел-құзды,
Қуып шығар ем едім!
– Балдай ғой деп тосабы,
Піскенімді ел тосады.
Бүлдірген деп атымды,
Халық әнге қосады.
– Дәруменге толы ішім,
Таңқурай боп толыстым.
Теріп алса ағызбай,
Қуанамын сол үшін.
– Тамсандырған бар жұртты,
Мені ерекше бал қыпты.
Туысқаны алманың,
Кім мақтамас алмұртты.
– Мен алқызыл шиемін,
Күн сәулесін сүйемін.
Тақпақ та бар мен жайлы,
Мәртебеге иемін.
Айтыспақшы әлі де,
Жібермедім әріге.
Жеміс-жидектің балалар,
Пайдалы ғой бәрі де.

(балаларға арналған тақпақ)



Пікірлер (0)

Пікір қалдырыңыз

Мен ұқыпты баламын

  • 0
  • 0

Кітап, дәптер, қаламым,
Сөмкеме оны саламын.
Күтетін оқу құралын,
Мен ұқыпты баламын.

Толық

Тұсаукесер

  • 0
  • 0

Қаз, қаз балам десіпті,
Күрмеуіңді шешіпті.
Ала жібін ешкімнің,
Аттама деп кесіпті.

Толық

Мамандық

  • 0
  • 0

Теміржолшы атам да,
Шығады алыс сапарға.
Сәнді киім тігетін,
Тігінші ғой апам да.

Толық

Қарап көріңіз