Айтыс

Ұл:
Бөгелмейін, жырлаймын,
Өнерімді шыңдаймын.
Домбыраны қолға алдым,
Айтысуға кім дайын?

Қыз:
Өрге қанат сермеймін,
Намысты құр бермеймін.
Тосылмаймын айтыста,
Сайысатын мен деймін.

Ұл:
Гүлдей жүзі жайнаған,
Бұлбұл құстай сайраған.
Қыз балаға халқымыз,
Төрден орын сайлаған.

Қыз:
Айтысам деп талпындың,
Жарқырасын алтын күн.
Талабыңа нұр жауып,
Ақыны бол халқымның.

Ұлдар мен қыздар:
Аттаған сан ғасырды,
Айтыс – өнер асылы.
Суырыпсап айтатын,
Ақынның жыр шашуы.

(балаларға арналған тақпақ)

---