Ескен Елубаев

Тепловоз

Бұл бетте «Тепловоз» атты Ескен Елубаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.04.2020
0
0
1419

Вагон-вагон темiрдi,
Вагон-вагон көмiрдi,
Вагон-вагон бидайды
Тiркеп алып, зулайды!
Солқылдатқан даланы
Үнi жетер алыстан.
Iлесе алмай қалады,
Оныменен жарысқан.
Арынды да екпiндi,
Зулап қастан өтедi.
Басыңдағы бөркiңдi
Ұшырып та кетедi.
Əр вагоның – бiр дəу үй.
Əрбiр үйде – жүз адам.
Əр поезың – бiр ауыл,
Жүрген сайын ұзаған.
Зулайды жер төсiнде,
Мейлiң жазың, қысың бар,
Бiр тепловоз өзiнде
Жүз мың аттың күшi бар.

Ескен Елубаев тақпақ балаларға тақпақ вагон тепловоз Ескен Елубаев өлеңдері

Пікірлер (0)

Пікір қалдырыңыз

Жиі қойылатын сұрақтар