Жангелді Немеребай

Бақытсыз да болмадым,бақытты да

Бұл бетте «Бақытсыз да болмадым,бақытты да» атты Жангелді Немеребай жазған бақыт туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

27.04.2020
0
0
2516

Тағдырымды алмадым сатып, құрап,
Ешкімге де бармадым жақұт сұрап.
Бақытсыз да болмадым,бақытты да,
Тек өзімді сезіндім бақыттырақ.

Өміріңді өрнектеп сәндесе де,
Арман-ойлар адамда бар нешеме.
Кең дүниеге кездер бар сыймай кеткен,
Сыйып жүріп тар бөлме, тар көшеге.

Шын сүйесің бір жанды сағынасың,
Қуанасың, сол үшін жабығасың.
Өзге әлемге соны аңсап сапар шегіп,
Бір жоғалып қайтадан табыласың.

Бағаламай гүл атқан көктеміңді,
Мекен еткің келеді көкте күнді.
Шың биікке шығам деп байқамайсың,
Шын өмірден алыстап кеткеніңді…

тағдыр бақыт Жангелді Немеребай бақытсыз да болмадым бақытты да... Жангелді Немеребай өлеңдері

Пікірлер (0)

Пікір қалдырыңыз

Жиі қойылатын сұрақтар