Өлең, жыр, ақындар

Дауыс

  • 04.05.2020
  • 0
  • 0
  • 1545
Сәулесі күннің
Айдынын судың аймалап,
Сүңгіп бір шықты
Сұқсырдай сұлу айғабақ,
Дірілін жанның
Ақырын ғана аңдатып,
Таратып жатыр
Майда толқындар жаймалап.
Ақтолқын қуған,
Шығыстың қызы ақмаңдай,
Тұрды бір толқып,
Толқыннан бақыт тапқандай,
Күміс тамшылар
Шашырай ұшып шашынан,
Ойнайды ұшқын,
Айдынға маржан шашқандай.
Сыңғырлай күлді...
Сиқырлы шыны үніндей,
Таудағы құстың
Таласқан таңмен әніндей,
Суретші болсам,
Бейнесін тура келтіріп,
Жеткізем қалай
Дауысын,
Нәзік дірілдей?!
Жастық шақ қайран,
Қанатын жайған алысқа,
Алысты қойып,
Созатын қолын ғарышқа,
Ақсәуле күндер...
Ақтолқын күйлі көңіл-ай,
Ғашық боп қалған,
Сыңғыр да сыңғыр,
Дауысқа!



Пікірлер (0)

Пікір қалдырыңыз

Басыңды көтер...

  • 0
  • 0

Сүрініп кетсең
Түңілме,
Қайта түрегел,
Сілкініп тастап

Толық

Смағұл ішкен у

  • 0
  • 0

Тоқталмайтын ықылымнан
Тағдыр, тарих,
Тартыс, талқы тұр есте,
Аяулы Айса пайғамбар да

Толық

Жұмбаққа толы дүние

  • 0
  • 0

Түңіле берме өмірден,
Түңілгенде не етерсің?
Күңірене берсең күн­түні
Күпір де болып кетерсің.

Толық

Қарап көріңіз