Өлең, жыр, ақындар

Семсер мен соқа

  • 04.05.2020
  • 0
  • 0
  • 1583
Салдыр, гүлдір, қиқы, жиқы,
Қисық соқа жерді жыртқан,
Семсер мінсіз, сұлу мүсін,
Сілтеп қалсаң, елді құртқан.
Кие қонған сертті семсер,
Ерге серік ел қорғаған,
Сергелдеңді кер заманда,
Семсері бар қор болмаған.
Әлем кезген семсер тарих,
Төгілген қан, теңіз баян,
Жер қыртысын жыртқан соқа,
Егілген дән, өгіз аяң.
Серке мінез сері ақындар,
Семсер жайлы сермеген жыр,
Қара соқа қасиетті,
Өлең болып көрмеген бір.
Артық болып саналады,
Таң қаласың өлшемдерге,
Дән себетін соқадан да,
Қан төгетін семсер неге?
Шындығында, ойлап көрші,
Соқа жақын дос адамға,
Музейлерде семсер төрде,
Соқа жатыр босағада.
Өткір семсер өлім сепкен,
Қисық соқа өмір сепкен,
Ешкім соқа болам демес,
Бәрі семсер көкірекпен.
Семсер бейім ерегеске,
Жүрген жері сор емес пе?
Өмір дәнін сепкен жерге,
Соқа нағыз ер емес пе?!



Пікірлер (0)

Пікір қалдырыңыз

Таба алмай жүрген бейбақ өз биігін

  • 0
  • 0

Таба алмай жүрген бейбақ өз биігін,
Бұйығы белге салған көз қиығын,
Өзегі өртенумен өте берген,
Ілгенше иығына бөз киімін,

Толық

Жусаным, саған жылаймын...

  • 0
  • 0

Жусаным, ащы жусаным,
Құбылса қырда қу сағым,
Исінен емін табатын
Қазақтың жанын буса мұң!

Толық

Тайғақта табысқан вайнах

  • 0
  • 0

Қан майданда
Азаматтың
Адам атын сақтауын,
Оңай деме,

Толық

Қарап көріңіз