Өлең, жыр, ақындар

Шұбаттан шыққан...

  • 05.05.2020
  • 0
  • 0
  • 1264
Әбубәкір Қайранға

Шеңгелмен ойнап,
Жантақта жатқан жантайып,
Уызға тойған
Ботадай бұла балпайып,
Тәртіпті топта
Түседі көзге тұлғасы,
Тарбағатайдың
Тасындай қожыр талпайып.
Айналған өлең,
Байырғы балбал қайда дер,
Ақ боран соғып,
Айтқандай сәлем айға жер,
Қайран ел жоғын
Уайымдап жырмен іздеген,
Қайнары мөлдір,
Қайрағы қатты қайран ер!
Қолқаны қауып,
Жұлдызсыз түні қаланың,
Ақынның бейуақ
Тауыспай қоймас амалын,
Тойотадан да
Тай-атан артық көрініп,
Тротуар теуіп,
Іздеген түйе табанын.
Түйеші шалдың
Түгесіп ішкен шұбатын,
Даладай ақын
Далада ғана туатын,
Қазақы сөздің
Мәйегі сіңген майталман,
Қымыздан, яки,
Шұбаттан ғана шығатын!
Табиғи қалпын
Бұзбаған бүлде жамылып,
Көлеңке түсіп
Көрмеген іші тарылып,
Түйенің сүті,
Киелі құты дем беріп,
Ағарған ішіп,
Ағынан жүрген жарылып,
Қабағы түсіп,
Қабаржып кейде құлазып,
Қабырға – қамал,
Бұзғысы келіп қағынып,
Бұрқырап буы,
Шудасы тудай жалбырап,
Қаңтарда қайнап,
Бурадай бұлтқа шабынып,
Азуы қақсап,
Аяғы ақсап қақпаннан,
Шықса да асқақ,
Қасқырдай көкке табынып,
Асығып қуып
Адасып қалса сағымнан,
Асыра жырлап,
Аспанын жүрген сағынып,
Жол ұзақ, әлі,
Өрлей бер, ақын, алдыңда,
Өмірдің бәрі
Ағын боп... өлең ағылып!



Пікірлер (0)

Пікір қалдырыңыз

Шал мен сағат

  • 0
  • 0

Аямай тағдыр, тарих сынап еді,
От кешіп, аман көрген құба белді,
Соғыстың ардагері біздің әкей,
Жөндеуге ескі сағат құмар еді.

Толық

Ізгілік ізімен

  • 0
  • 0

Иманың кәміл болсын, ақылың мол,
Кәлимаң – жаратқанға жақындық жол,
Алланың әуелгі аты рахман, рахим,
Жандыға, жансызға да рахымды бол!

Толық

Жоғалған білім

  • 0
  • 0

Білгендер кетіп,
Қаншама білім жоғалған,
Аңызақ – уақыт...
Ақыл-ой кені тоналған,

Толық

Қарап көріңіз