Қызкеткен – Абзал Бөкен

Бұл бетте «Қызкеткен» атты Абзал Бөкен жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 21.07.2020
  • 0
  • 0
  • 1983
Айна тұр, айдынында…
Бір кезде алты бұрым ойнақтаған.
(Т.Айбергенов.)

Өмір ме осы өмірім,
Шикілігі шидей көп.
Құлазиды көңілім
Қызы кеткен үйдей боп.

Бағзы болған бір жылы,
Дәл осындай көктемде
қамыққан ем,
Бір жігіт
Әпкемді алып кеткенде.

Құда келді, қапылдық,
Деген кезде күз жетті –
Бізден жатты жақын ғып
Тағы да бір қыз кетті.

«Жат жұрттыққа» жол ашық,
/Қазекеңде мақал бай/.
Бірте-бірте бел асып
Бес қыз кетті бақандай.

Үш қыз кетіп…
Демде арып
соны қатты елеген,
Секілдендім мен-дағы
Айбергенов Төлеген.

Басы асау батырың
Бастыққанды жөн көрді.
Бордай көңіл ақыры
Босамайтын көн болды.

Төрт ұл едік.
«Серт бұзба,
Боласың, – деп, – сіз біздік».
Қарымта ғып бес қызға
Төрт қызды үйге кіргіздік.

Жылдар өтті…
Көзім кем,
Құлақ – тосаң, мұз – құшақ.
Енді отырмын Өзім де
кететұғын қыз құсап.


Пікірлер (0)

Пікір қалдырыңыз

Жиі қойылатын сұрақтар

Қызкеткен өлеңінің авторы кім?

Абзал Бөкен — осы өлеңнің авторы.

Қызкеткен өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қызкеткен өлеңі не туралы?

Бұл өлеңде Абзал Бөкен өз ойы мен сезімін көркем түрде жеткізеді.

Қызкеткен өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері