Өлең, жыр, ақындар

Телефонмен жұбатады

  • 10.08.2020
  • 0
  • 0
  • 3491
Біздің Әсем келе сала сабақтан,
Татпай тұрып столдағы тамақтан,
Телефонмен шақырады анасын,
Хабарлайды бүгінгі алған бағасын:
– Мама, бүгін екі бірдей «Бес» алдым,
Есіңде ме алдың күні неше алдым?!
– Бәрі есімде! Айналайын есімде,
Құтты болсын «төрттігің» де, «бесің» де.
Терген білім, көрген тәлім – аспандап,
Азамат боп өсуіңе баспалдақ!
… Телефонмен хабарлайды бағасын,
Әсем солай қуантады анасын.
Сонда анасы бір жасайды шалқиды…
Қанатсыз-ақ көк жүзінде қалқиды…
Әсем егер алып қалса пәс баға,
Оңашада қара көзден жас тамар…
Сол күні бір айрылғандай тілінен,
Телефон да тырс етпейді күнімен.
Онда айтпай-ақ іштен сезіп анасы,
Телефонмен жұбатады баласын…



Пікірлер (0)

Пікір қалдырыңыз

Естеліктер

  • 0
  • 0

Естеліктер - жыртылмайтын кітаптай,
Сынбайтғын бұтақтай,
Естеліктің гүлі қурап солмайды,
Бояуы да оңбайды.

Толық

Амалсыздан өлімге пенде болдым

  • 0
  • 0

Амалсыздан өлімге пенде болдым:
Достарымды көмгеңде, мен де өлдім.
Жүзімдегі әжімді санамаңдар,
Жүрегімді неше рет жерге көмдім.

Толық

Тауық деп, шіркін, осыны айт

  • 0
  • 0

Көр ғажайып тауықты:
Үш жұмыртқа тауыпты!
Менің тәтем Меңсұлу
Жылда тауық бағыпты.

Толық

Қарап көріңіз