Өлең, жыр, ақындар

Шырмала берме, шырмала!

  • 01.09.2020
  • 0
  • 0
  • 1727
Талабы таудай, тағдыры түйткіл бір бала,
Тағдырға, тәйірі, шырмала берме, шырмала!
Болған соң тірлік кездеспей тұрмас мұң-нала,
Болаттай болса, мұң-нала сынақ, сын ғана.
Болаттай болсаң, сындарға төтеп берерсің,
Тіршілік – парыз.
Парызыңды өтеп көрерсің.
Талап пен Тағдыр арасы десек екі оттың,
Азамат болсаң, өшірмей, өшпей жеңерсің!
Талап пен Тағдыр бақ пенен сордай тайталас,
Есімі бөлек, есігі бірге, байқап аш.
Тайталас етпей, тату да ету еркіңде,
Егіздеріңе ет жүрегіңді айқара аш.
Егіздеріңе Заманның жүгін арқалат,
Нар жүгін ғана көтере алады нар талап.
Тағдырың сонда таланың сенің секілді,
Табысса солар, Махаббат та сол, Мархаббат!
Талабың – нарқың, өзіндік сана иірім.
Тағдырың – халқың, халқыңды сенің сүюің.
Өзіңді өзің өзгертерсің де жасарсың,
Халқыңды жасау білесің, бауырым, қиынын.
Тағдырды қолдан жасаймын деудің қиыны –
Мінеки, бауырым, талай жер, талап иіні.
Иінің талса, иіліп халқың демер-ау,
Бойыңнан биік секіре алмайсың, түйіні.
Талабы таудай, тағдыры түйткіл бір бала,
Тағдырға енді шырмала, берме, шырмала...



Пікірлер (0)

Пікір қалдырыңыз

Әупірім дос

  • 0
  • 0

Менің бір досым әйтеуір әупіріммен,
Ақырын, еппен, тартыссыз, тартынуменен,
Әдіспен ғана, тасбақа аяңмен ғана
Қатардан қалмай келеді малтығуменен.

Толық

Көкжиекке бір ымырт қонды келіп

  • 0
  • 0

Көкжиекке бір ымырт қонды келіп,
Жарық дүние тағы бір күнді ұрлатты.
Жалқын сәуле жарығы жонды бөліп,
Сәл қозғалған селеулер діріл қақты.

Толық

Титімдей көңіл

  • 0
  • 0

Қайғысыз адам қайда бар,
Қайырымсыз хайуан сол шығар.
Қайғысыз емес айналаң,
Араласпай ма ол мұндар?

Толық

Қарап көріңіз