Өлең, жыр, ақындар

Адал әйел – ақ періште...Барлық еркек арманда

  • 02.09.2020
  • 0
  • 0
  • 1935
Адал әйел – ақ періште...Барлық еркек арманда,
Кездесетін пәк пейіште, о дүниеге барғанда.
Армандайды бірақ бекер арман емес дүниені,
Махаббатқа бас тікпейтін әйел бар ма жалғанда?
Махаббатқа басын тіксе, барлық әйел періште,
Махаббатқа жасын төксе – адалдығы, теріс пе?!
Бас тіккен жан, жас төккен жан әміріне жүректің,
Ол жүрегін сала алмайды одан кейін бөліске.
Бір-ақ Өмір, бір-ақ Тағдыр, бір-ақ Уақыт, бір-ақ Дәм,
Болашағы болжаусыз ғой, болжамына сұрақ тән.
Қаталдығын суырады қатігез бір қынаптан,
Адал әйел айрылады пейіштен де, жұмақтан.
Кім кінәлі, кім кінәлі, кім күнәһар, кім, кім, кім?
Адам, сенің өзіңде ғой күллі еркің, күллі ырқың.
Бір жасыннан бір жазымды тастай салар тосыннан,
Бір басыңнан айналатын тағдыр деген бір бұлтың...



Пікірлер (0)

Пікір қалдырыңыз

Айға атылма!

  • 0
  • 0

Көз сұғыңды қадама жас балаға,
Кездесерсің кездейсоқ масқараға.
Өз теңіңнен іздесей махаббатты,
«Алла асыраған пендесі аш бола ма?..»

Толық

Бұлттар жел қуған жөңкіліп кетті алыс

  • 0
  • 0

Бұлттар жел қуған жөңкіліп кетті алыс,
Енді болмайды тоқырап, тоқталыс.
Анау ақ бұлттар – тулап түсетін найзағай
Немесе ашудан атылған ақ барыс.

Толық

Сұңғыла шалдар бар еді

  • 0
  • 1

Сұңғыла шалдар бар еді,
Сүмбіле шашы қара еді.
Суырылып шығып сөйлесе,
Көтерген сөздің әруағын.

Толық

Қарап көріңіз