Мен әкемді шынында жақсы көрем

Жаман мінез,
Жаман ой, тапшы менен.
Жүргенім,табысқаным жақсыменен,
Асқар шыңым әкемнің арқасы ғой,
Мен әкемді шынында жақсы көрем.
Қайрылып бір қарадым өткеніме,
Алланың не шарам бар өктеміне.
Әкемді жан- жарынан айырған сол,
Өкпем бар,
Қапалымын көктеміңе.
Күн сайын хабарласам, сырын ұғам.
Бәйтерек ол,
Жаралғам шыбығынан.
Маржандай асыл сөзді іздегенде,
Әкемнің табушы едім тұнығынан.
Заман ғой атың емес, бақ шабатын.
«Батыраштар» жетеді баққан атын.
«Құлагерді» баптаған бәйгесіне,
«Ақан сері» әкем бар, мақтанатын.

---