Өлең, жыр, ақындар

Деуші еді әкем!

  • 12.10.2020
  • 0
  • 0
  • 1180
Деуші еді әкем, апасының баласы.
Оған да әке, менің де бар таласым.
Сол анадан туып тұрып әкежан,
Қанды балақ бүркіт болдым қарашы.
Білім қудым, атақ пен даңқ қуғам жоқ.
Жүрдім талай белді бекем буған боп.
Елден бөтен ішті жарып шықтым мен,
Анам туды, хордың қызы туған жоқ.
Қысыр сөзді жақтырмадым, ұқпадым.
Ағайынның көңілін де жықпадым.
Кешір десе, кешпесімді кешірдім,
Әке сөзі Ата заңдай ұққаным.
Әл келгенше, сеніміңді ақтадым.
Мен де әкемін, әкеге мін тақпадым.
Қос тұмарым,
Қос пырағым дем беріп,
Қанат қағып кеткенімше баптадың.
Жарқырап тұр арайлы атып, ақ таңым.
Жүрегімде қимасымдай сақтадым.
Дүниені кезсем дағы өмірде,
Өздеріңдей қымбат жанды таппадым.



Пікірлер (0)

Пікір қалдырыңыз

Алаш азаматтарына арнау

  • 0
  • 0

Ініні ертіп алып, баланы алып,
Басымды жүрсем жетер аман алып.
Отызда орда бұзғам дәлелім бар,
Қырқымда көргенім жоқ қамал алып.

Толық

Сығалап қойып, мырс етіп қойған ішінен

  • 0
  • 0

Сығалап қойып, мырс етіп қойған ішінен,
Жандардың жайын,
Пейілін оның түсінем.
Ағаның айтқан ақ жолын ұқпас жандарды,

Толық

Гүлін ектім гүлзар болсын, өнсін деп

  • 0
  • 0

Гүлін ектім гүлзар болсын, өнсін деп,
Анашыма құрмет етсем, ол сүннет.
Тоңашадай келіншегің болады,
Деуші еді анам,-Құсың қолға қонсын- деп.

Толық

Қарап көріңіз