Алаш азаматтарына арнау

Ініні ертіп алып, баланы алып,
Басымды жүрсем жетер аман алып.
Отызда орда бұзғам дәлелім бар,
Қырқымда көргенім жоқ қамал алып.
Елуді де ұланың еңсереді.
Бақыт деген бір ақ сәт, келсең еді.
Тұнық ойдан шыққан бір жырларым бар,
Өсем ау,
Өсеріме ел сенеді.
Жандарды жақсы көрем жарқыраған.
Болсыншы жұртым аман, халқым аман.
Сөзі менен тірлігі бірге үндескен,
Азаматтар ұнайды жалпы маған.
Алланың бағы осы, қарасқаны.
Қақ тілген найзағай боп қара аспанын.
Елін сүйген қазақта арыстар көп,
Аман болсын қазіргі Алаштарым!

---