Мағиза Құнапияқызы

Бір әуен бар

Бұл бетте «Бір әуен бар» атты Мағиза Құнапияқызы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

16.11.2020
0
0
1001

Топырақтай гүл тозаңын жасырған,
Күн сезімін аңсаған.
Күткен едім, жолығатын сол күнді,
Қайда жүрсең болшы аман!
Жай тозаңнан гүлге айналу оңай ма?
Мейір керек шуақты.
Қажеті жоқ жалғандық пен көлгірлік,
Болсын сезім тұрақты.
Қанаттары гүлмен өңдес көбелек,
Келер ұшып ғайыптан.
Қанатынан бейіш нұры себелеп,
Уайымнан айыққан.
Билесе тек бақыттылар билесін,
Таласпаңдар,құлшынып.
Екі сезім таба алмаса үйлесім,
Өтер іштей тұншынып.
Күйсандықта ойналмаған бұрын еш,
Бір әуен бар.
Қинайды.
Жабықтырды,тым көңілсіз бүгін кеш,
Келер күн не силайды?

Мағиза Құнапияқызы бір әуен бар Мағиза Құнапияқызы өлеңдері

Пікірлер (0)

Пікір қалдырыңыз

Жиі қойылатын сұрақтар