Өлең, жыр, ақындар

Зоопарктегі өлім алдындағы қасқыр

  • 24.06.2022
  • 0
  • 0
  • 754
Арлан қасқырдың
Көз алдында
Жалған дүние –
Баяғыдай! –
Құбылып жатты;
Ал тұла бойынан
Бөрiлiк қуат қайтып,
Болат сымдардай түгi
Шiрiген шөптей боп
Жығылып қапты.
Өлiп барады!
Құдай-ау,
Қасқыр деген
Мұндай өлiмге
Көнбейтiн едi ғой...
Қасқыр деген –
Қақпанға түссе де!–
Арпалыспай
Өлмейтiн едi ғой.
Қасқыр
Өз өлiмiнен өлсе
Көзге көрiнбей
Құриды дейтiнi қайда?!
Алыспай өлгенiне намыстанып
Айға қарап
Ұлиды дейтiнi қайда?!
Ендi, мiне,
Соңғы рет
Мына дүниеге
Азуын ақситып,
Көзi қанталап
Жерiп қарады.
Қайран,
Көк бөрiнiң ұрпағы
Темiр тордың iшiнде –
Ұлуға да жарамай! –
Өлiп барады...



Пікірлер (0)

Пікір қалдырыңыз

Жұғымды адам

  • 0
  • 0

Жұғымды адам, балдай тәттi жұғымды.
Тұла бойы түсiнiктi, ұғымды.
Сырлас жандай – ашпасаң да сырыңды.
Мұңдас жандай – айтпасаң да мұңыңды.

Толық

Бұлттар

  • 0
  • 0

Көлегейлеп Алатаудың асқарын
бұлт бiткен бiрiн-бiрi жастанып,
аунақшиды тас төбемде,
бейне бiр

Толық

Қарапайым халық туралы

  • 0
  • 0

Алтынмен апталып,
Күміспен күптелген
Үкімет үйінің
Есігі жабылмайды:

Толық

Қарап көріңіз