Өлең, жыр, ақындар

Сәлем саған, Сырдың елі

  • 22.05.2019
  • 0
  • 0
  • 1792
Аяулым, амансың ба, Сырдың елі!
Ақжамбы, асыл маржан жырдың елі!
Сен шықтың қарсы алдымнан таң боп атып,
Көңілім де саған құмар бұлбұл еді!
Көгіне шыға сала, кеттім жырлап,
Қосылды гүл сыбырлап, Сыр сылдырап.
Ғажайып бір оркестр ашылды алдан
Ән тасып, жыр қалықтап, күй шымырлап.
Құштың сен, құшағыңа еніп алдым,
Алдында арманы не елі бардың!
Тыңдайтын мәуесі мол бақ екенсің
Саяңа сайрай берсем келіп әр күн.
Көргенім болды тұңғыш ала таңың,
Соңынан жұлдыз еріп ай апаның,
Ұзатып бара жатты көкжиекке,
Соқтырып Сырдария алақанын.
Жолдадым сәлемімді Сыр анама,
Ол жомарт - тілегімнен шыға ала ма?
Дәметкіш бала көңіл азға алданар,
Бір толқын берсең болды сыбағама.
Ал кәне көрсет көркің көз қуансын,
Бәрінен ең үлкен сый - өзің барсың.
Сан жүйрік тозаңдатқан топырағында
Менің де шапқылаған ізім қалсын!



Пікірлер (0)

Пікір қалдырыңыз

Қарақалпақ қызына

  • 0
  • 0

Әму қандай, Арал қандай
Әдемі еді сол күні!
Бір-бір қыз боп жаралғандай
Дарияның толқыны!

Толық

Ақын солдаттар

  • 0
  • 0

Арғы араб, фарсы мен Рим, грек,
Шыңғыс, Батый, Темірден берегірек
Наполеон жүргізген соғыстардан
Көздің жасын тауысқан жер еңіреп.

Толық

Жамбыл ауылында

  • 0
  • 0

Қарсы алып қалыңдықтай таң шапағын,
Таулар тұр төгілдіріп ақ шапанын.
Келеміз етектегі елден шығып,
Ауылына жаяу тартып жақсы атаның.

Толық

Қарап көріңіз