Корейская косметика премиум класса

Абайға арнау

Ойшыл, дара тұлға еді,
Құнанбайдың ұлы еді.
Сол жылы Семей жеріне,
Тәңірдің төккен нұры еді.

Иманды бала Ибраһим,
Он жасында оқыған.
Дарыған бойына рақым,
Білімді бойына тоқыған.

Қазынасы қазақтың,
Қара өлеңі емес пе?
Қара сөзі- Абайдың,
Әлемге таныс емес пе?

Бала Абай ойында,
Өлең менен жыр-дастан.
Тұнып тұрған бойында,
Имандылық нұр шашқан.

Аударған талай өлеңді,
Әрбір сөзі ұлы еді.
Бүгінгі күні жас ұрпақ
Ескендір мен Масғұтты,
Талмай оқып жүреді.

Үлгі алып Абайдан,
Ұштадым талай өлеңді.
Бата алып данадан
Ұқсап баққым келеді.

Сөз асылы - Абайда,
Тәлім берген талайға.
Өлеңі оның тамаша,
Дәріптеп оқы, жарай ма?

Шаршама оны оқудан,
Білімді бойға тоқудан.
Қазақтың көз шырағы,
Өнеге алғын Абайдан.

Авторы:
(Абылай Хан атындағы ҚХҚжӘТУ, Журналистика факультеті, Давлатбаева Жадра)


Қарап көріңіз