Абайға

Бұл бетте «Абайға» атты Тусупбекова Дамира жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Мен сенен оқыдым даналық ғазалын,
Тереңде тұңғиық ғаламат ғажабын.
Түн түнек жаулаған қазақтың даласы
Сен нұрың шашқанда өзгертті ажарын.

Бар алаш түйсініп Шыңғыстау жартасын,
Сөздерің шарлады атырап арқасын.
Жырыңа зер салам.. жаңарған жыл сайын,
Телегей теңіздей тереңге тартасың!

Қара сөз - қайнарым, қалайша қанасың?!
Жырың мен жаныңды күйікке маласың.
Есейіп, түйсініп келемін десем де,
Шын Хәкім шыңдай боп биіктеп барасың.

Күн ғана сүйеді, құзарттың шекесін,
Әр ақын кешеді тағдырдан жеке сын.
Кемелді күй кешіп кеудемді керсем де,
Көкжиекке айналып ,кеңейіп кетесің!

Талпынып келемін , тебіндеп ішімнен,
Жол табам жүректің жанары, күшіммен!
Әзірге танумен таңданып келемін,
Мен сізді бір күні шынымен түсінем!


Пікірлер (3)

Динара

Керемет жазылған өлен! Сүйсініп оқып шықтым!

Динара

Керемет!

Динара

Дамира керемет жаздыңыз! Шабытыңыз одан әрі көбейе берсін!

Пікір қалдырыңыз

Жиі қойылатын сұрақтар

Абайға өлеңінің авторы кім?

Тусупбекова Дамира — осы өлеңнің авторы.

Абайға өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Абайға өлеңі не туралы?

Бұл өлеңде Тусупбекова Дамира өз ойы мен сезімін көркем түрде жеткізеді.

Абайға өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Ұқсас өлеңдер