Өлең, жыр, ақындар

Қоңыр жел

  • 11.12.2020
  • 0
  • 0
  • 1103
Соқшы уілдеп толастамай, қоңыр жел,
Бұлдырасын көз ұшында құба бел.
Жауар бұлтты күшің жетпес айдауға,
Сен емессің қара дауыл бейне сел.
Жерде осы отырар-ды қалың ел,
Сағымымен шайқап шәлі құба бел.
Көйлегімнің ағытайын өңірін,
Аймалашы, сағындым ғой, қоңыр жел!
Қанша белге қаз-бауыр жел жетерсің,
Жыбырлатып көлдің бетін, өтерсің;
Сыбызгыдай ызыңдасаң күзде сен,
Сағынышың тастап маған кетерсің.
Ұмытатын сар жайлауды менмін бе,
Сен жүрерсің қайда жүрсем көңілімде.
Түрлі жердің түрлі желін көрдім мен,
Қоңыр желдей жел көрмедім өмірімде!



Пікірлер (0)

Пікір қалдырыңыз

Домбыра сыны

  • 0
  • 0

Сұраймын бір домбыра Сізден жаңа,
Уантар, тартқан кезде көңілім нала.
Үйренбес әсте өнер жоқ мен ашынсам,
Күйден де күдерімді үзбен, аға!

Толық

Жүрегім менің тұңғыйық

  • 0
  • 0

Жүрегім менің тұңғыйық,
Бойлағанға Байқалдай,
Көктей мұхит кең мұхит,
Қалар ма, сірә, байқалмай!

Толық

Бесіктегі бөбек

  • 0
  • 0

Құндақта құйттай өседі еркін,
Бақытты – бөбек іңгәлаған.
Есейіп өсе келгенде бертін,
Етеді тарлық қиырсыз жаһан.

Толық

Қарап көріңіз