Өлең, жыр, ақындар

Алаш жұрты

  • 20.12.2020
  • 0
  • 0
  • 2327
Азуын айға білеген,
Төбесі көкті тіреген,
Қарсы да келген хас жауын,
Ақ семсерімен іреген –
Айбарлы жұртым Алашым.
Кеудесі тұнған жыр-өлең,
Алладан рахым тілеген,
Тамыры терең жайылған,
Өзегі мықты бір емен –
Айдарлы жұртым Алашым.

Атырау – Алтай арасын,
Жетісу – Арқа даласын,
Найзаның қорғап ұшымен,
Жерұйық жердің саясын –
Жайлаған жұртым Алашым.
Заманмен тауып жарасым,
Төмендетпеген бағасын,
Қанаты кеңге жайылып,
Қырандай бейне тау асып –
Самғаған жұртым Алашым.

Қастерлі Атамекенім,
Қатерлі еді-ау кешегің.
Азаттығыңды айғақтап,
Түнектің түрдің етегін –
Арналы жұртым Алашым.
Еңсеңді тіктеп, көтеріл,
Елім деп өтсін өсер ұл,
Бабадан қалған мұраның,
Қасиетіне жете біл –
Ордалы жұртым Алашым.



Пікірлер (0)

Пікір қалдырыңыз

Көңілалаң

  • 0
  • 0

Есімде балауса кез, балапан шақ,
Жүретін өрік-мейіз, науат аңсап.
Алайда бәрімізге ұнамайтын,
Апамыз ұйқымыздан оятар сәт.

Толық

Жігер жыры

  • 0
  • 0

Көзімізде от жайнап,
Бойымызда жас қайрат.
Алға басып келеміз,
Қолымызда-көк байрақ.

Толық

... аяулы жарға

  • 0
  • 0

Алып ұшып, шарқ ұрып көңіл жүрдек,
Көп ішінде жүргенде өзіңді іздеп,
Қапелімде қақ тіліп қара түнді,
Көгімнен жұлдыз болып көріндің кеп:

Толық