Өлең, жыр, ақындар

Қуаныш-қайғы егіз дүние

  • 03.02.2021
  • 0
  • 0
  • 1171
Қуаныш-қайғы егіз дүние,
Аспанның неге суық қабағы.
Толқыған мынау теңіз дүние,
Ішінен ғана тынып қарады.
Жалғанға мынау налып жүдедім,
Медет етемін жалбыз жырымды.
Күрсіне берді нәзік жүрегім,
Есіме салып жалғыздығымды.
Шығады екен жаңғырық неден,
Құсамды жүрдім бұқтырып көп күн.
Ғұмырды біздер мәңгілік деген,
Жалған екенін ұқтырып кеттің.
Өмірді құлай сүйсем бе екен?!
Түлкідей қызыл құбылып тұрған.
Шарпылып отқа күйсем бе екен,
Көңілмен мынау суынып тұрған.
Бейтаныс біреу сұқпыты бөтен,
Барады шырқап әнімді менің.
Өмірдің шулы базары мынау,
Жаулап барады жанымды менің...



Пікірлер (0)

Пікір қалдырыңыз

Не силар деп атар таңдар келесі

  • 0
  • 0

Не силар деп атар таңдар келесі,
Есерліктің ербеңдеді елесі.
Ысқырып кеп көкірегіме қадалды,
Уға малған қара тілдің жебесі.

Толық

Ен даланы

  • 0
  • 0

Ен даланы,
Елес кезіп қаңғырған.
Ғасырлардың сарындары жаңғырған.
Жартастардың, жақпарында бір сыр бар,

Толық

Адалдықтың бесігісің ауылым...

  • 0
  • 0

Тудыратын бөрі кеуде, тау ұлын,
Тарқатпаған сайраны мен сауығын.
Аңқылдаған,жарқылдаған қауымы,
Адалдықтың бесігісің ауылым.

Толық

Қарап көріңіз