Гүлманат Әуелхан

Әнмен әрлеп өмірін жырмен өрген

Бұл бетте «Әнмен әрлеп өмірін жырмен өрген» атты Гүлманат Әуелхан жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

03.02.2021
0
0
749

(Ертұрам Зейіпханның рухына)

Әнмен әрлеп өмірін жырмен өрген,
Кеудесіне тағынып гүлден өрден.
Кетті Ерағам аттанып жұмағына,
Ала алмай есебін күннен өлген.

Кірбең түсіп көктемнің қабағына,
Сағыныштан сарғайды сана мына.
Кетті Ерағам паң басып бұл пәниден,
Ғалам мұңын сіңдіріп жанарына.

Әкетті ажал сүйретіп білегінен,
Босатқандай сұм тірлік түнегінен.
Пенделіктің түспеген көлеңкесі,
Елін сүйген кетті есіл жүрегімен.

Көңілдегі арылып наласынан,
Бақыт тапқан туған ел даласынан.
Қайран күнес өксіді айрылдым деп,
Аңқылдаған ағеділ баласынан.

Ардақтысы ет айбарлы алашының,
Жүрегімен ұғынған дала сырын.
Көк аспанға рухы көтерілді,
Көк туым деп шырқаған баласының…

Гүлманат Әуелхан Ән әнмен әрлеп өмірін жырмен өрген Гүлманат Әуелхан өлеңдері

Пікірлер (0)

Пікір қалдырыңыз

Жиі қойылатын сұрақтар