Махаббат пен мейірім

Бұл бетте «Махаббат пен мейірім» атты Гүлманат Әуелхан жазған махаббат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 03.02.2021
  • 0
  • 0
  • 2922
Қарсы алумен марғау әрбір таңымды,
Тарпаң тағдыр талағанда тәнімді.
Махаббат пен мейірімге бөледің,
Жапырақтай қалтыраған жанымды.

Көңілімнің гүл бақшасы гүлденді,
Қызыл жасыл болып әлем түрленді.
Үрей қара көлеңкелер тығылды,
Кеудеме кеп нұрын төгіп гүл қонды.

Оятпашы тәтті ұйқымнан жел келіп,
Жүрегіме жүрсең болды дем беріп.
Бақыт құшқан сәттеріммен күн кешем,
Тәтті елестер құшағында тербеліп…

Талай жылдар кеудемнен ұшып кеттің,
Елесіңді келген ем құшып көп күн.
Жүрегімнің түбінде ұйып тұрған,
Замзамынан сезімнің ішіп кеткін.

Сымбатыма,қымбатыма бас ұрған,
Сосын көңіл шашудайын шашылған.
Бебеулейді құлағымда бір әуен,
Жеткен сонау ғасырдан.
Ара сынды гүлден шырын жинайтын,
Махаббат ең тәңір ғана силайтын.
Жер көктегі жан тәнімнің қалауы,
Ешбір өлең жолдарына симайтын.

Мейірімнің құйдың жанға шуағын,
Жүрегімде жөңкіледі бір ағын.
Дірілдеген нұрдан құйған елесің,
Аспан жердің арасы ма тұрағың?!

Күздей сұрғылт өмірімді жаз еттің,
Көңілімді көктем еттің мәз еттің.
Тек сағыныш сыздатады жанымды,
Бәріде бар тірлігіме қажаттің…


Пікірлер (0)

Пікір қалдырыңыз

Жиі қойылатын сұрақтар

Махаббат пен мейірім өлеңінің авторы кім?

Гүлманат Әуелхан — осы өлеңнің авторы.

Махаббат пен мейірім өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Махаббат пен мейірім өлеңі не туралы?

Бұл шығарма махаббат туралы өлең ретінде танымал. Өлеңде автор өз ойын көркем түрде жеткізеді.

Махаббат пен мейірім өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері