Шырағым менің, шырағым

Шырағым менің, шырағым,
Жаныңды басқан сірә мұң.
Жойдасыз болды
Төтеннен
Ойланбай қойған сұрағым.
Кеудеңді керсе нала-мұң,
Уайымы артса сананың.
Тар болып кетер дүние,
Кеңдігін қайтем даланың.
Шырылдап қалар боздақ үн,
Боздаған үнді созба дым.
Кездейсоқ келіп төтеннен,
Дертіңді кенет қозғадым.
... Сенің де тулар жүрегің,
Мен де өксіп өмір сүремін.
Сен батсаң мұңға құсалы,
Мен шегіп сорды жүремін ....

---