Әділбек Ыбырайымұлы

Қарындасым, Гүлзираш, айналайын

Бұл бетте «Қарындасым, Гүлзираш, айналайын» атты Әділбек Ыбырайымұлы жазған бауыр туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

12.02.2021
0
0
927

Қарындасым, Гүлзираш, айналайын,
Кенеуі жоқ бұ тірлік жалған, айым.
Бүгін-ертең дертімнен сауығармын,
Бекер босқа мені ойлап болма уайым.
Тартып жүрміз тірліктің сыбағасын,
Айналсам ғой ақынға ғұлама шын.
... Жанарыңнан сөнбейтін жасын көрем,
Көкке өрлеген арманың құламасын.
Ұмытамын сырқаттың меңдегенін,
Мейірімге бұл күнде шөлдегемін.
Көңілімді келіпсің сұрай маған,
Пейіліңе мен сенің емделемін.
Көтеріліп қалдым ғой көрмесем де,
Алмасам да, ештеме бермесем де.
Барады озып уақыт алға самғап,
Гүлзира қыз, ендеше, өрле, сен де!
Жатар дейсің қашанғы сырқаттанып...
Сыйып кетер қайғым да бір қапқа анық.
Құлагердей мерт болсам арманым жоқ,
Алқа топтың алдында шырқап барып.
... Бермесем де, ештеме алмасаң да,
Келіп тұршы, Гүлзираш, анда-санда.

Әділбек Ыбырайымұлы қарындасым гүлзираш айналайын Әділбек Ыбырайымұлы өлеңдері

Пікірлер (0)

Пікір қалдырыңыз

Жиі қойылатын сұрақтар