Өлең, жыр, ақындар

Ақ орамал, ақ жүзің – тым-ақ әсем

  • 12.02.2021
  • 0
  • 1
  • 1461
Ақ орамал, ақ жүзің – тым-ақ әсем,
Шыға келдің бөкендей бұлана сен.
Көрер көзге тап салар бөлек бітім,
Періштедей болмасаң, ұнамас ең.
Ашаң бойың, нәзіктік тұлғаң тұнған,
Сағымдайсың маң дала, құмға ұмтылған.
Камзолыңның кеудесі қаз омырау –
Сұлулық қой ...
Ынтықтым бұлдан, тұлдан.
Кереметің – көзіңде сәл нілденген,
Қарап тұрып мүдуар жан гүлденген.
Қарашығың жалт етті найзағайдай,
Ес-тұсымнан айрылдым әлгіңнен мен.
Кеттің сіңіп бірдемде самалға, айнам,
Бола қойсын сол шақта амал қайдан?
Талған көңіл қалғаны талғажау ғып,
Жетпейді екен тағдырға шамам, қайлам.



Пікірлер (1)

Пікір қалдырыңыз

Пірге ілесіп, әмбимен жолығыстым

  • 0
  • 0

Пірге ілесіп, әмбимен жолығыстым,
Періштемен періште болып ұштым.
Пайғамбарлар сөз айтты парасатты,
Жөн үйрендім Абызға қонып үш күн.

Толық

Сен менің аққу қазым қалықтаған

  • 0
  • 0

Сен менің аққу қазым қалықтаған,
Сәбидей күлімдейсің шалықтаған.
Көзіңе көзім түссе оқыстан бір,
Күй кешем алашабыр жан ұқпаған.

Толық

Құбылаға құлады талықсып күн

  • 0
  • 0

Құбылаға құлады талықсып күн,
Түнереді жүрегім қаңысып тым.
Жамау-жамау жаныма жалғыз медет –
Мен өзіңді шатқалға алып шықтым.

Толық

Қарап көріңіз