Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Сен менің аққу қазым қалықтаған

Әділбек Ыбырайымұлы

Сен менің аққу қазым қалықтаған

  • 12.02.2021
  • 0
  • 0
  • 613
Сен менің аққу қазым қалықтаған,
Сәбидей күлімдейсің шалықтаған.
Көзіңе көзім түссе оқыстан бір,
Күй кешем алашабыр жан ұқпаған.
Жүректі от шарпиды лапылдаған,
Жаһұттай көрінеді затың маған.
Бір тәмсіл тіл ұшына оралады,
Мылтықтай оқ салынып, атылмаған.
Алаңдап оянамын ертеңгілік,
Алдымнан шығатындай еркем күліп.
Нұрыңа бөлейсің ғой бар алапты,
Жаныңның жібегінен желкен құрып.
Қалайша құнықтырдың қылығыңа?
Батамын қалың ойдың жылымына.
Біздерді жарақаттап жүрмес пе екен?
Сырт көздің сумаңдаған сұғы мына ...

Әділбек Ыбырайымұлы сен менің аққу қазым қалықтаған Әділбек Ыбырайымұлы өлеңдері

Пікірлер (0)

Пікір қалдырыңыз

Баппен айттың барлығын, шамданбадың

  • 0
  • 1

Баппен айттың барлығын, шамданбадың,
Содан соң-ақ жоғалды қалған бағым.
Телім-телім жүректі осып өттің,
Әнім болып кеудемде жалғанбадың.

Толық

Түнде – өлімен, күндіз тірі пенделермен тілдесем

  • 0
  • 0

Түнде – өлімен, күндіз тірі пенделермен тілдесем,
Бірде – тірі, бірде – өлікпін. Екі жақты күн кешем.
Мұхаммедтің сұлбасына тәуеп етем түнде ылғи,
Ал, оянсам – қыбарғада тұрар қаңсып Күн көсем.

Толық

Жапанда жалғыз жұрынмын

  • 0
  • 0

Жапанда жалғыз жұрынмын,
Бөктергі кетер бөктеріп.
Қадірі қашты жырымның,
Көңілі кіршең көпке еріп.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер