Өлең, жыр, ақындар

Ындын

  • 13.02.2021
  • 0
  • 1
  • 939
Мұрат деген немене?
Мақсатың ба мантыған?
Ымыраға келмейді қисапсыз сөз тантыған.
Діттегенің діңкеңді құртса дағы жеткізбес,
Өмір өтіп жатады, бір өзгермес қалпынан.
Тірмізік сол халменен,
Тырбынасың тырбанып,
Бұйырмаған бақ-дәулет:
Жұртта қойдым құр қалып.
Мен жүргенде мойныма ащы терім құйылып,
Мендік бақыт кетті әне басқаменен ұрланып.
Салғанменен сәңкіні жоқ боп тұр ғой салмағым,
«Көзі түзу болсын, – деп, жұбанамын –
Алланың».
Талай жерге бардым да бетім қайтты,
Шағылып,
Өзіме өзім тоқтау сап,
Келер күнмен алдадым.
Мақсат деген осы ма?
Бармағыңды шайнатқан,
Барар жерге барғызбай, бақты қолмен байлатқан.
Өмір өтіп жатады,
Біреулерге – сыйы мол,
Мендік тағдыр қатып қап, қара қанды қайнатқан.
Үстемелеп қайғымды,
Ойға ой қосып, «оңалттым»,
Қайдағы бір қарақшы –
Қасіретке тоналттың.
Жетек соққан лауқимын,
Мақсат, мүдде – немене?
Арман, қиял – өлген ол.
Құбыламды жоғалттым.



Пікірлер (1)

Пікір қалдырыңыз

Жүреді ғой кездейсоқтау шақ қабат

  • 0
  • 0

Жүреді ғой кездейсоқтау шақ қабат,
Қолдан келсе, білеуіттер таптамақ.
«Сицилия» кафесінде сорпа ішсе,
«Мерсінде» жатқаны анық, автомат.

Толық

Қыр суреті

  • 0
  • 0

Шырылдайды бозторғай, айнала сән,
Шілде туып, жаңарған ай да қашан.
Емініпті отар қой көк шүйгінге,
Жусап жатыр: тапжылмас, айдамасаң.

Толық

Ай неге жалғыз?...

  • 0
  • 0

Ай неге жалғыз?
Ал, жұлдыз неге көп мүлде?
...Сен де бір сона-а-ау шоғырға аман жеттің бе?
Бақаныңды алып, балтаңды сайлап нойысша,

Толық

Қарап көріңіз