Өлең, жыр, ақындар

Болашаққа көз тастадым

  • 21.02.2021
  • 0
  • 0
  • 1916
Болашаққа көз тастадым,
Күн салып,
Өмір жарқын болармысың мұншалық?
Келеді екен қазағымның маңдайын,
Құдай көзі түзуленіп,
Нұр шалып.
Сәбилер жүр шапқыласып, шадыман,
Нан піседі бақытыңның табынан.
Ортасында Асан Қайғы
Асалы,
Қыз-жігіттер той-тойлауда
Салып ән.
Айдын көлге аққу ұшып, қонады,
Ырыздыққа Далам менің толады.
Айналсоқтап «былдырлаған»
Қарлығаш,
Қанатымен аяламақ болады.
Болашаққа тесілем де таң қалам,
Бақ болмайды әрбір баста жанбаған.
Әлем әсте бара жатыр өзгеріп,
Құлагерді көзім шалды самғаған.
Бір ақбозды құрбан шалдым жылқыдан,
Осы арманға тез жетсем деп ұмтылам.
Құс жолындай буалдырлау...
Түбінде,
Бақ-дәулетке
Кенелермін шылқыған.



Пікірлер (0)

Пікір қалдырыңыз

Ғашық жүрек созады саусақтарын

  • 0
  • 1

«Ғашық жүрек созады саусақтарын»,
Білді ме екен арамыз алшақтарын?
Бірақ, бірақ махаббат – мәңгі жастық,
Ұмытпассың өмірдің бал шақтарын.

Толық

Әке

  • 0
  • 0

Бұлаң тірлік көрсетті сортаңдығын,
Қалғаны анық ойсырап,ортам бүгін.
Қырын келген сен бе әлде жаратқан ба?
Бір-ақ күнде есейді тарпаң ұлың.

Толық

Қалмады мүлде тамтығым

  • 0
  • 0

Қалмады мүлде тамтығым,
Дал-дұлы шықты арманның.
Қолымнан түсті алтыным,
Дәртесі сынып арбамның.

Толық

Қарап көріңіз