Өлең, жыр, ақындар

Мұң болады кәріптікте сұңқа адым

  • 21.02.2021
  • 0
  • 0
  • 609
Мұң болады кәріптікте сұңқа адым,
Қайран дәурен, оралымда шырқадым.
Талабым тас, жуа біткен жолыма,
Қайғы іштім де, мұң көрпесін қымтадым.
Шеміршектеп, шемен шерім шер көмген,
Қиянатты көрдім, тарттым кердеңнен.
Күрсінгенде көкірегім жарылып,
Тұрып кетем, өле қалсам көрден мен.
Неткен күндер, азабы көп тым батпан,
Емеурінмен аңғартады ымдап таң.
Ол әйтеуір тұрғандай бір, кім білсін,
Ұлы оқиға босағасын бұлдап, паң.
Соқыр кеудем қан татиды...
Соқталы,
Әлем, тірлік!
Тіршілігің тоқтады.
Дәуірімді теріс салып кетсем бе?
Бұл өмірдің мен қызығар жоқ мәні.



Пікірлер (0)

Пікір қалдырыңыз

Қазақи

  • 0
  • 0

Ұзағынан сілтейді сілтегенде,
Тұра алмайды құйқылжып күн төбеде.
Қазақиым – қазақтың қолтумасы,
Ойнамады зорлықпен кім төбеңде?

Толық

Жанымнан шып-шып мұң шыққан

  • 0
  • 0

Жанымнан шып-шып мұң шыққан,
Мұң менің білем, несібем.
Сезімім нәзік қылшықтан,
Пернемді бассаң шешілем.

Толық

Жүрегіме мұң енді

  • 0
  • 0

Жүрегіме мұң енді,
Жанарыма сағалаған.
Миығыңнан күл енді,
Сағынышым табалаған.

Толық

Қарап көріңіз