Өлең, жыр, ақындар

Сай-сүйекті буып алған

  • 21.02.2021
  • 0
  • 0
  • 598
Сай-сүйекті буып алған
Көрікті үн,
Назыңменен, қылығыңмен еріттің.
Өкінішті,
Бола алмадым, амал не,
Шырынындай алма менен өріктің.
Қоңыр тірлік сұрап едім пәниден,
Бірақ сұмдық көп екен ғой,
Пәле үйген.
Махаббаттың назасына
Қалдым да,
Шемен-шерге
Ұшырастым шәниген.
Түн секілді тұнжыраймын тұңғиық,
Жайлау жаным тартып жатыр
Мұң,
Күйік.
Бота – бейнең,
Нәркестенген жанарың,
Көзім жұмсам –
Селт еткізер,
Ылғи.
Ұқ!
Елесімен тербетеді тәтті үнің,
Көкіректе содан кейін
Жатты мұң.
Маған деген ақ махаббат бар ма екен?
Кеш біліппін қадіріңді,
Қап, күнім!
Бар дүние
Айналды ма тозаңға?
Қу жүрегім,
Озандасаң – озанда!
Өміріме нәрін төгер,
Енді ондай,
Тап келмеспін ақ ниетті гөзәлға.



Пікірлер (0)

Пікір қалдырыңыз

Баппен айттың барлығын, шамданбадың

  • 0
  • 1

Баппен айттың барлығын, шамданбадың,
Содан соң-ақ жоғалды қалған бағым.
Телім-телім жүректі осып өттің,
Әнім болып кеудемде жалғанбадың.

Толық

Меңдейді мұң, жаныма салып кірбің

  • 0
  • 1

Меңдейді мұң, жаныма салып кірбің,
Қасаң тірлік қажыттың, жалықтырдың.
Бақыт екен әкемнің тірі кезі,
Мендей болып өмірде тарықты кім?

Толық

Қалқам сені сағындым, сағынармын

  • 0
  • 0

Қалқам сені сағындым, сағынармын,
Жеткізбеді бір саған жарымар күн.
Әлі жүр ме мойныңда мен сыйлаған,
Алтын – жүрек, кішкентай тары «қарғың»?

Толық

Қарап көріңіз